/
ЦАГДААГИЙН ГАЗАРТ СЭТГЭЛ ЗҮЙН ТАНХИМЫГ ТОХИЖУУЛАН ӨГЛӨӨ
Монгол Улсад орчин цагийн Цагдаагийн байгууллага үүсэж хөгжсөний түүхт 100 жилийн ойг тохиолдуулан Увс аймаг дахь цагдаагийн газрын АХМАД АЖИЛТАН Л.ЭРДЭНЭДЭЛГЭРИЙН ГЭР БҮЛЭЭС тус цагдаагийн газрын “Сэтгэл зүйн” танхимыг тохижуулан өгөв.
Уг танхимын нээлтийг Цагдаагийн байгууллагын түүхт 100 жилийн ойг цахим хэлбэрээр зохион байгуулах үед хийж Цагдаагийн газрын удирдлагаас ахмад ажилтны гэр бүлд хүндэтгэл үзүүлж "Талархал" илэрхийлэв.
"Сэтгэл зүйн" танхимыг шинээр тохижуулснаар ажлаас шалтгаалан стресст орсон алба хаагчдыг стресс бухимдлаа тайлж, сэтгэл зүйн зөвлөгөө, тусламж авах боломжоор хангахаас гадна алба хаагчдын харилцаа, хандлагыг өөрчлөх, чөлөөт цагийг зөв боловсон өнгөрөөхөд ихээхэн ач холбогдолтой юм.
