/
ПРОКУРОРЫН ГАЗАРТАЙ ХАМТАРСАН ЗӨВЛӨГӨӨН ЗОХИОН БАЙГУУЛЛАА
Аймгийн Цагдаагийн газар, Прокурорын газрын 2023 оны 1 дүгээр улирлын хамтарсан зөвлөгөөнийг зохион байгуулж, зөвлөгөөнд тус цагдаагийн газрын болон прокурорын газрын 35 алба хаагч биечлэн, 18 сумдын хэсгийн төлөөлөгч нар цахимаар оролцлоо. Зөвлөгөөнөөр тус цагдаагийн газраас, аймгийн прокурорын газартай хамтран 2022 онд хийж хэрэгжүүлсэн ажил, арга хэмжээг дүгнэн, энэ онд хамтран хэрэгжүүлэх, ажил арга хэмжээ, мөрдөн шалгах ажиллагаа, зөрчил шалган шийдвэрлэх ажиллагааны чанар үр дүнг нэмэгдүүлэх, тулгарч буй хүндрэл, бэрхшээлтэй асуудлыг шийдвэрлэх, Монгол Улсын Эрүүгийн хууль болон Эрүүгийн хэрэг хянан шийдвэрлэх тухай хуульд орсон нэмэлт өөрчлөлт, хуулийн хэрэгжилтийн талаар прокурор, мөрдөгч, эрх бүхий албан тушаалтнуудад мэдээлэл хүргэх чиглэлээр зохион байгууллаа.
