/
Бензин, шатахуун, шатах тослох материал нийлүүлэх компани шалгарууллаа
ЦАГДААГИЙН ГАЗРЫН БЕНЗИН ШАТАХУУНЫ
НИЙЛҮҮЛЭХ КОМПАНИ ШАЛГАРУУЛАХ ТЕНДЕРИЙН ТАЛААРХ МЭДЭЭЛЭЛ
Увс аймгийн цагдаагийн газрын даргынт тушаалаар байгуулагдсан 5 хүний бүрэлдэхүүнтэй үнэлгээний хороо нь тус газрын 2015 оны бензин, шатахуун, шатах тослох материал нийлүүлэх компани шалгаруулахаар 2015.01.21-ний өдөр тендер зарлаж цахим хуудас болон орон нутгийн телевизээр тендерийг урилгыг зарлан мэдээллэж ажиллав.
2015.01.30-ны өдөр тендерийн материал хүлээн авахад Увс аймагт бензин, шатахуун худалдан борлуулах чиглэлээр үйл ажиллагаа явуулдаг “НИК”ХХК, “Магнай трейд”ХХК, “Ундарга Увс”ХХК, “Тэс Петролиум”ХХК тендерийн материалыг битүүмжилж ирүүлсэн бөгөөд 2015.02.05-ны өдөр үнэлгээний хороо хуралдаж тендер шалгаруулалтыг зохион байгуулав.
Үнэлгээний хороо нь нь “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай” хуулийн хүрээнд гишүүдийн ашиг сонирхолын зөрчлийн хуудас таглуулан тендерийн бичиг баримтанд тусгасан нөхцлийг үндэслэн цагдаагийн байгууллагын онцлогыг хангахуйц хамгийн сайн тендерийг шалгаруулсан.
Тендерт оролцсон “Магнай трейд”ХХК сумуудад салбаргүй, “Тэс Петролиум”ХХК 2 суманд салбартай, “Ундарга Увс”ХХК 7 суманд салбартай, 6 суманд гэрээт борлуулагчтай, “НИК”ХХК 18 суманд салбартай, зах зээлд худалдаалагдаж буй бензин, шатахууны үнээс 30-50 төгрөгийн доогуур үнийн санал ирүүлсэн.
Дээрх компаниудын ирүүлсэн материалыг үнэлгээний хорооны гишүүд компани тус бүрээр үнэлж санал өгөхөд тендерийн нөхцлийг хангасан Увс аймгийн 18 суманд шатахуун түгээгүүрийн салбартай, зах зээлийн үнээс 30 төгрөгийн доогуур үнийн санал ирүүлсэн “НИК”ХХК-ийг гишүүдийн олонхын саналаар шалгаруулж, гэрээ байгуулсан.
