ЦАГДААГИЙН ГАЗРЫН САГСАН БӨМБӨГИЙН АВАРГА ШАЛГАРУУЛАХ ТЭМЦЭЭН ЗОХИОН БАЙГУУЛЛАА.
Увс аймаг дахь цагдаагийн газрын Хэрэг бүртгэх тасгаас Хэрэг бүртгэх албаны 2018 оны “Соёл, соён гэгээрүүлэх ажлын төлөвлөгөө”-ний 3.3 дахь заалтын хүрээнд энэ оны 05 дугаар сарын 10-ны өдөр Хэрэг бүртгэх тасгийн нэрэмжит Цагдаагийн газрын 2018 оны “Сагсан бөмбөг”-ийн аварга шалгаруулах тэмцээнийг зохион байгуулж ажиллалаа.
Тэмцээнд тус цагдаагийн газрын тасаг, хэсгээс 9 баг оролцож 2 хэсэгт хуваагдан тойргын журмаар тоглон хэсэг тус бүрээс 1, 2 дугаар байраар шалгарсан 4 баг олимп системээр тоглож аварга шалгаруулахад Хэрэг бүртгэх тасгийн баг 1 дүгээр байр, Мөрдөн байцаах тасгийн баг 2 дугаар байр, Эрүүгийн цагдаагийн тасгийн баг 3 дугаар байрыг тус тус эзэлсэн.
Хэрэг бүртгэх тасгаас энэхүү тэмцээнийг аймгийн Биеийн тамир спортын газар, Сагсан бөмбөгийн холбооны шүүгч нартай хамтран зохион байгуулсан болно.